Bu haqda 27 yanvar kuni Prezident raisligida Toshkent shahar Ichki ishlar bosh boshqarmasi huzuridagi Qo‘riqlash boshqarmasida o‘tkazilayotgan videoselektor yig‘ilishida ma’lum qilindi. Qayd etilishicha, Yoshlar ishlari agentligi, Maktabgacha va maktab ta’limi hamda Oliy ta’lim, fan va innovatsiyalar vazirliklarida mazkur yo‘nalishga mas’ul alohida o‘rinbosar bo‘ladi.
Ma’lumotlarga ko‘ra, o‘tgan yil poytaxtda 1,5 mingdan ortiq shaxs giyohvandlikka ruju qo‘ygani rasman ro‘yxatga olingan. Norasmiy, "soya"dagı giyohvandlar soni esa bundan ham ko‘p bo‘lib, ularning aksariyati yoshlar hisoblanadi. Bir giyohvand oyiga o‘rtacha 20–25 million so‘mni narkotikka sarflayotgani qayd etildi.
Prezident ta’kidlaganidek, giyohvandlik jinoyatchilikni keltirib chiquvchi asosiy omillardan biri hisoblanadi. Shu bois, joriy yildan boshlab narkotik ekspress-testlardan ommaVIy foydalanish yo‘lga qo‘yiladi. Shuningdek, hokimlar, oliygoh rektorlari, texnikum va maktab direktorlarining o‘rinbosarlaridan biri ushbu yo‘nalishga mas’ul qilib belgilanadi.
Bundan tashqari, giyohvandlarni davolashga kamida to‘rt oy vaqt talab etilishi qayd etildi. Shu munosabat bilan aholiga xususiy sheriklik asosida narkologik xizmat ko‘rsatish bo‘yicha qaror loyihasini ishlab chiqish topshirildi.
