Ma'lumotlarga ko'ra, yolg'on chaqiriqlar soni o'tgan yilga nisbatan 531 taga oshgan. Eng ko'p yolg'on murojaat Qashqadaryo viloyatida qayd etilgan — 784 ta. Keyingi o'rinlarda Surxondaryo viloyati (499 ta), Farg'ona viloyati (394 ta) va Samarqand viloyati (337 ta) joy olgan. Eng kam yolg'on chaqiriq esa Sirdaryo viloyatida — 48 ta.
So'nggi 8 yil ichida 103 xizmat ko'rsatish shoxobchalar soni 818 tadan 1 680 taga, tez tibbiy yordam brigadalar esa 1 648 tadan 2 865 taga yetkazilgan. Shuningdek, chaqiriqlarga yetib borish vaqti o'rtacha 25–30 daqiqadan 10–15 daqiqagacha qisqartirilgan.
2025 yil davomida tez tibbiy yordam xizmatiga jami 14 million 299 ming 948 ta murojaat kelib tushgan. Shulardan 10 million 218 ming 037 tasi shoshilinch holatlar, 3 million 856 ming 901 tasi surunkali kasalliklar, 100 ming 453 tasi esa tug'ruq bilan bog'liq chaqiriqlar hissasiga to'g'ri kelgan.
