Toshkent viloyati Qibray tumani hokimining mahalla fuqarolar yig‘inidagi yordamchisi yer maydonini rasmiylashtirib berish evaziga 50 ming dollar talab qilib, 10 ming dollarini olgan vaqtida qo‘lga olingan.
Davlat xavfsizlik xizmati ma’lumotiga ko‘ra, u davlat zaxirasidagi 4 sotix yerni hokimlikda ishlovchi tanishlari orqali arxiv hujjatlariga soxta ma’lumot kiritish yo‘li bilan xaridor nomiga rasmiylashtirishni va’da qilgan.
Tezkor tadbir davomida u pulning bir qismini olgan vaqtda ashyoviy dalillar bilan ushlangan.
Holat yuzasidan unga nisbatan Jinoyat kodeksining 168 va 211-moddalari bilan jinoyat ishi qo‘zg‘atilib, tergov harakatlari olib borilmoqda. Avvalroq Namanganda ham davlat yerini sotishga uringan hokim yordamchisi ushlanganigi xabar qilingandi.
