Shavkat Mirziyoyev 26 fevral kuni Surxondaryo viloyatiga tashrifi doirasida, an'anaga muvofiq, Hakim Termiziy maqbarasini ziyorat qildi.
Qur'on tilovat qilinib, yurt tinchligi va xalq farovonligi tilab duo qilindi.
Ulamolar bilan suhbatda Hakim Termiziyning boy ma'naviy-ma'rifiy merosini chuqur o'rganish, uni yoshlar va xalqaro jamoatchilik orasida keng targ'ib etish muhimligi qayd etildi.
Shuningdek, majmuani obod saqlash, ziyoratchilar uchun sharoyitlarni yanada yaxshilash bo'yicha mutasaddidlarga tegishli topshiriqlar berildi.






