Viloyat IIM ma’lumotiga ko‘ra, 1996 yilda tug‘ilgan ayol xolis xaridorga bir dona “Tropikamid” va ikki dona “Regapen” dori vositasini 460 ming so‘mga sotayotgan vaqtida tezkor tadbir davomida ashyoviy dalillar bilan ushlangan.
Shundan so‘ng olib borilgan surishtiruvlarda usbu dorilarni u 1997 yilda tug‘ilgan tanishidan olgani aniqlangan. Ma’lum qilinishicha, erkak mazkur dori vositalarini qo‘shnisi — 2003 yilda tug‘ilgan ayolning xonadonida saqlab kelgan. Uy ko‘zdan kechirilganda 362 dona “Tropikamid” va 1035 dona “Regapen” dori vositalari borligi aniqlangan.
Mazkur holat yuzasidan Jinoyat kodeksining 251-1-moddasi 5-qismi bilan jinoyat ishi qo‘zg‘atilib, tergov harakatlari davom etmoqda.
