Ebola virusi tarqalishi sababli mamlakatga kirish va immigratsiya tartiblariga vaqtinchalik cheklovlar joriy etilishini ma'lum qilindi.
Kanada hukumati bayonotiga ko'ra, 27 maydan boshlab Ebola xavfi yuqori yoki juda yuqori deb baholanayotgan davlatlar fuqarolari uchun ayrim immigratsiya hujjatlari 90 kun muddatga to'xtatiladi.
Ushbu ro'yxatga hozircha Kongo Demokratik Respublikasi, Uganda va Janubiy Sudan kiritilgan.Kanada hukumati ma'lumotiga ko'ra, avval tasdiqlangan vaqtinchalik yashash vizalari, elektron sayohat ruxsatnomalari yoki doimiy yashash vizalariga ega bo'lgan shaxslar ham mazkur cheklovlar davrida mamlakatga kirish imkoniyatidan mahrum bo'ladi.
Shuningdek, ushbu davlatlarda so'nggi uch hafta davomida bo'lgan Kanada fuqarolari, doimiy residentlar va boshqa xorijiy fuqarolar 21 kun davomida o'zini o'zi karantinda saqlashi shartligi bildirilgan. Agar sayohatchilarda izolyatsiya uchun xavfsiz joy bo'lmasa, ularga maxsus turar joy ajratilishi qayd etilgan.
Kasallik alomatlari aniqlangan shaxslar esa qo'shimcha tekshiruv uchun tibbiyot muassasalarida izolyatsiya qilinadi. Mazkur choralar 30 maydan 29 avgustgacha amal qilishi rejalashtirilgan.Hukumat bayonotida mamlakat jamoatchiligi uchun xavf darajasi hozircha past ekani, biroq Ebola virusining xavfliligi hamda xalqaro epidemiologik vaziyat, jumladan 2026-yilgi FIFA Jahon chempionati hisobga olinib, ehtiyot choralar kuchaytirilayotgani ta'kidlangan.
Rasmiylarga ko'ra, Kanadada hozirgacha Ebola virusining import qilingan holati qayd etilmagan va ayni paytda Shimoliy Amerikada ham kasallik holatlari aniqlanmagan.
