“Real Madrid” dunyoning eng qimmat klubi deb topildi

Unga ko‘ra, Ispaniyaning “Real Madrid” klubi ketma-ket beshinchi yil dunyoning eng qimmat futbol jamoasi sifatida e’tirof etildi.

Nashr ma’lumotiga ko‘ra, madridliklar klubining qiymati 9,5 milliard dollarga baholangan. Bu o‘tgan yilgi ko‘rsatkichga nisbatan 41 foizga yuqori.

Reytingda ikkinchi o‘rinni “Barselona” egallagan bo‘lib, klub qiymati 7,5 milliard dollar deb baholangan. Uchinchi pog‘onadan esa Angliyaning “Manchester Yunayted” jamoasi joy olgan — 7,2 milliard dollar.

Shuningdek, kuchli o‘ntalikka quyidagi klublar kirgan:

— “Liverpul” — 6,2 milliard dollar;

— PSJ — 5,8 milliard dollar;

— “Bavariya” — 5,7 milliard dollar;

— “Manchester Siti” — 5,5 milliard dollar;

— “Arsenal” — 5,4 milliard dollar;

— “Chelsi” — 4,2 milliard dollar;

— “Tottenhem” — 3 milliard dollar.

“Forbes” reytingiga jami 30 ta klub kiritilgan bo‘lib, ularning umumiy qiymati 87 milliard dollarga yetgan. Bir klubning o‘rtacha qiymati esa 2,9 milliard dollarni tashkil etgan.

Ma’lumot uchun, reytingda eng ko‘p vakil Angliya Premier-ligasidan bo‘lib, ro‘yxatga 11 ta klub kirgan.