Унга кўра, Испаниянинг “Реал Мадрид” клуби кетма-кет бешинчи йил дунёнинг энг қиммат футбол жамоаси сифатида эътироф этилди.
Нашр маълумотига кўра, мадридликлар клубининг қиймати 9,5 миллиард долларга баҳоланган. Бу ўтган йилги кўрсаткичга нисбатан 41 фоизга юқори.
Рейтингда иккинчи ўринни “Барселона” эгаллаган бўлиб, клуб қиймати 7,5 миллиард доллар деб баҳоланган. Учинчи поғонадан эса Англиянинг “Манчестер Юнайтед” жамоаси жой олган — 7,2 миллиард доллар.
Шунингдек, кучли ўнталикка қуйидаги клублар кирган:
— “Ливерпуль” — 6,2 миллиард доллар;
— ПСЖ — 5,8 миллиард доллар;
— “Бавария” — 5,7 миллиард доллар;
— “Манчестер Сити” — 5,5 миллиард доллар;
— “Арсенал” — 5,4 миллиард доллар;
— “Челси” — 4,2 миллиард доллар;
— “Тоттенҳэм” — 3 миллиард доллар.
“Forbes” рейтингига жами 30 та клуб киритилган бўлиб, уларнинг умумий қиймати 87 миллиард долларга етган. Бир клубнинг ўртача қиймати эса 2,9 миллиард долларни ташкил этган.
Маълумот учун, рейтингда энг кўп вакил Англия Премьер-лигасидан бўлиб, рўйхатга 11 та клуб кирган.
