Lionel Messi Jahon chempionatidagi ilk xet-trikini qayd etib, Argentinaga Jazoir ustidan muhim g‘alabani taqdim etdi. 38 yoshli futbolchi milliy jamoa safidagi 200-o‘yinida uchta gol urib, turnirdagi jami gollari sonini 16 taga yetkazdi.
Bu natija orqali Messi Miroslav Klozening Jahon chempionatlari tarixidagi eng yaxshi to‘purarlik rekordiga tenglashdi. Shuningdek, u Jahon chempionatida xet-trik qayd etgan eng yoshi katta futbolchi sifatida ham tarixga kirdi.
Uch karra jahon chempionlari g‘alaba uchun jiddiy kurash olib bordi. Messi dastlab 17-daqiqada hisobni ochgan bo‘lsa, ikkinchi bo‘limda yana ikki bor raqib darvozasini ishg‘ol qildi va jamoasining ishonchli g‘alabasini ta’minladi.
Shu tariqa, Argentina 1982 va 1990 yillardagi omadsiz startlardan farqli o‘laroq, bu safar Jahon chempionatini g‘alaba bilan boshladi. Amaldagi chempionlar endi guruh bosqichida Avstriya va Iordaniyaga qarshi bahs olib boradi.
Mutaxassislar fikricha, Kloze rekordiga yetib olgan Messi navbatdagi uchrashuvlarda mazkur natijani yangilab, Jahon chempionatlari tarixidagi eng yaxshi to‘purarga aylanishi mumkin.
