Лионел Месси Жаҳон чемпионатидаги илк хет-трикини қайд этиб, Аргентинага Жазоир устидан муҳим ғалабани тақдим этди. 38 ёшли футболчи миллий жамоа сафидаги 200-ўйинида учта гол уриб, турнирдаги жами голлари сонини 16 тага етказди.
Бу натижа орқали Месси Мирослав Клозенинг Жаҳон чемпионатлари тарихидаги энг яхши тўпурарлик рекордига тенглашди. Шунингдек, у Жаҳон чемпионатида хет-трик қайд этган энг ёши катта футболчи сифатида ҳам тарихга кирди.
Уч карра жаҳон чемпионлари ғалаба учун жиддий кураш олиб борди. Месси дастлаб 17-дақиқада ҳисобни очган бўлса, иккинчи бўлимда яна икки бор рақиб дарвозасини ишғол қилди ва жамоасининг ишончли ғалабасини таъминлади.
Шу тариқа, Аргентина 1982 ва 1990 йиллардаги омадсиз стартлардан фарқли ўлароқ, бу сафар Жаҳон чемпионатини ғалаба билан бошлади. Амалдаги чемпионлар энди гуруҳ босқичида Австрия ва Иорданияга қарши баҳс олиб боради.
Муттахассислар фикрича, Клозе рекордига етиб олган Месси навбатдаги учрашувларда мазкур натижани янгилаб, Жаҳон чемпионатлари тарихидаги энг яхши тўпурарга айланиши мумкин.
