Unga ko‘ra, dam olish kunlari respublika hududining asosiy qismida quruq va iliq ob-havo saqlanadi. Ayrim hududlarda — Samarqand, Jizzax viloyatlari hamda Farg‘ona vodiysida qisqa muddatli yomg‘ir va momaqaldiroq kuzatilishi mumkin.
Kechasi havo harorati +8…+13 daraja, kunduzi esa +20…+25 daraja atrofida bo‘lishi kutilmogda. Shuningdek, tog‘oldi va tog‘li hududlarda ayrim joylarda yomg‘ir yog‘ishi, momaqaldiroq bo‘lishi mumkin. Bu hududlarda sel-pavodka xavfi ham saqlanib qoladi.
Toshkent shahrida esa dam olish kunlari yog‘ingarchilik kutilmaydi. Shamol sharqiy yo‘nalishda, kuchsizdan o‘rtacha tezlikkacha esadi. Havo harorati kechasi +11…+13, kunduzi +23…+25 daraja bo‘ladi.
