Samarqandda vasiy ayol ikki qizga zo‘ravonlik qilib, videoga olib onasidan pul talab qildi

To‘loq tumanida ikki nafar voyaga yetmagan qizga nisbatan jismoniy va ruhiy zo‘ravonlik qilingani aniqlandi. Bu holatni sodir etgan ayol bolalarni qo‘rqitish orqali ularning xorijdagi onasidan pul undirishga uringan. Ma’lum bo‘lishicha, 2017 va 2019 yillarda tug‘ilgan qizlar vaqtincha vasiylikka olingan bo‘lib, vasiy ayol ularga bosim o‘tkazib, zo‘ravonlik qilgan va buni videoga olgan. Holat yuzasidan Bolalar ombudsmani tekshiruvni nazoratga oldi, ayol esa vasiylikdan chetlatildi. Ayni paytda tuman IIB tomonidan tekshiruv olib borilmoqda, bolalar sud-tibbiy ekspertizadan o‘tkazilmoqda. Ular xavfsiz joyga joylashtirilib, psixologlar bilan ish olib borilmoqda.