Yaponiya Immigratsiya xizmatlari agentligi ma’lumotiga ko‘ra, 24 aprel kuni mamlakatda noqonuniy ravishda istiqomat qilib kelgan ikki nafar O‘zbekiston fuqarosi deportatsiya qilingan.
Birinchi holatda fuqaro Yaponiyaga “talaba” vizasi bilan kirgan, biroq keyinchalik o‘qishdan haydalganiga qaramay mamlakatni tark etmagan va noqonuniy ravishda qolib ketgan. U huquq-tartibot organlari tomonidan hibsga olingan.
Ikkinchi holatda esa fuqaro qisqa muddatli viza bilan Yaponiyaga kirgan, ammo belgilangan qolish muddati tugaganidan so‘ng ham mamlakatdan chiqib ketmagan.
Shu kabi holatlar sabab Yaponiya migratsiya qoidalarini buzgan fuqarolarni deportatsiya qilgani ta’kidlanmoqda.
