G`arbiy Avstraliyadagi yo`llardan biriga asfalt yotqizilishi uchuvchisiz uchadigan samolyot yordamida videoga olindi, deb xabar berdi “Tjournal.ru” nashri.
Tuproqli yo`l tekislangandan keyin ustidan eritilgan gudronli maxsus avtomashina o`tadi, uning ustiga esa shag`al to`kiladi.
Avstraliyalik mutaxassislar besh kilometrli yo`lni 2 kunda qurib bitirishadi. Loyiha uchun umumiy hisobda 443 ming dollar sarflanadi. Yo`l ta`mirlash ishlarining ma`sul xodimlarini ijtimoiy tarmoq foydalanuvchilarining ularning ishiga bergan bahosi hayratga soldi.
“Biz foydalanuvchilarning xodimlarimizning mehnatiga bergan bahosidan boshimiz ko`kka etdi. Ular xizmati haqiqatan ham yuqori bahoga loyiq”, dedi mahalliy hukumat vakillaridan biri Alan Lison.