19 yanvar kuni Bog`ot tumanida xalq bilan muloqot bo`lib o`tdi. Unda viloyat hokimi, prokuroro, ichki ishlar boshqarmasi boshlig`i va barcha mutasaddi tashkilot, idora rahbarlari, kichik biznes va xususiy tadbirkorlik sub`ektlari hamda fuqarolar ishtirok etdi.
Tadbirdan ko`zlangan maqsad, davlat idoralari rahbarlarining xalqqa yaqin bo`lib, kundalik hayotdagi mavjud muammolarni qonun doirasida hal qilish, amaliy yordam ko`rsatish, huquq va manfaatlarini himoya qilib, adolat mezonini qaror toptirishdan iborat.
Tadbirda ishtirok etgan tadbirkorlar va fuqarolar rahbarlarga echimini topolmayotgan masalalar bo`yicha savollarini berib, o`z navbatida joyida hal qilish imkoni bo`lgan og`zaki murojaatlar yuzasidan ularning talablari qanoatlantirildi.
Xalqimiz hayotida muhim o`rin tutayotgan, dolzarb masalalarni hal etish yuzasidan fuqarolarning qonuniy talablari, so`rov va takliflarini ko`rib chiqib, echimini topish vakolatiga ega bo`lgan davlat idoralariga muddat belgilanib, tegishli organlar tomonidan nazoratga olingan holda topshiriq berildi.
Sayyor qabullar davom etmoqda.
Shuningdek, mana shunday xalq bilan uchrashuvlar joylarda, mahallalarda tuman hokimi, prokurori, IIB boshlig`i boshchiligida ham o`tkazilmoqda.
