​Prezident Shavkat Mirziyoevning kitobi nashr etildi

Jamiyat 31.01.2017, 15:22
Teglar: Shavkat Mirziyoev
​Prezident Shavkat Mirziyoevning kitobi nashr etildi

O`zbekiston Prezidenti Shavkat Mirziyoevning “Tanqidiy tahlil, qat`iy tartib-intizom va shaxsiy javobgarlik – har bir rahbar faoliyatining kundalik qoidasi bo`lishi kerak” nomdagi kitobi nashrdan chiqdi.

Kitob "O`zbekiston" nashriyot-matbaa ijodiy uyi tomonidan nashrdan etildi.

Kitobdan davlatimiz rahbarining shu yil 14 yanvar kuni bo`lib o`tgan, mamlakatimizni 2016 yilda ijtimoiy-iqtisodiy rivojlantirishning asosiy yakunlari va 2017 yilga mo`ljallangan iqtisodiy dasturning eng muhim ustuvor yo`nalishlariga bag`ishlangan Vazirlar Mahkamasining kengaytirilgan majlisidagi ma`ruzasi o`rin olgan.

Chuqur tahlil va tanqidiy yondashuvga asoslangan ushbu risolada O`zbekistonning 2016 yildagi ijtimoiy-iqtisodiy rivojlanish sur`atlariga atroflicha baho berilgan. Ayni vaqtda iqtisodiyotni boshqarish, uni modernizasiya va diversifikasiya qilish borasida keyingi paytda turli vazirlik va idoralar tomonidan yo`l qo`yilayotgan kamchilik va nuqsonlar ochiq va xolis tanqid qilinib, ularni bartaraf etish bo`yicha amaliy takliflar ilgari surilgan. Turli sohalardagi mavjud ulkan imkoniyat va zaxiralarni to`liq va samarali ishga solishga jiddiy e`tibor qaratilgan.

Mamlakatimizni ijtimoiy-iqtisodiy rivojlantirish bo`yicha 2017 yilga mo`ljallangan ustuvor yo`nalishlar, jahon bozorida raqobat kuchayib borayotgan hozirgi murakkab vaziyatda iqtisodiyotga xorijiy investisiyalar, zamonaviy texnologiyalarni joriy etish bilan bog`liq muhim vazifalar ma`ruzada batafsil ko`rsatib berilgan. Ayniqsa, "Xalq bilan muloqot va inson manfaatlari yili" Davlat dasturini amalga oshirish, aholining turmush darajasi va sifatini yaxshilash, jumladan, shahar va qishloqlarimizda arzon va qulay uy-joylar qurish, yo`l-transport, muhandislik-kommunikasiya va ijtimoiy infratuzilmalarni, maktabgacha ta`lim muassasalari tarmoqlarini rivojlantirish va modernizasiya qilish bo`yicha keng ko`lamli vazifalar ham kitobdan alohida o`rin egallagan.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1