Xonanda Lola sovg`a evaziga biror mahsulot yoki xizmat turini ijtimoiy tarmoqlardagi sahifasida reklama qilish shou-biznes vakillari o`rtasida keng tarqalgani va bu uning g`ashiga tegishini aytib o`tdi.
“Do`stlar, reklama haqida gaplashamiz. Mening sahifamda u juda kam bo`lsa-da, bor. Tan olib aytamanki, hamma narsani ketma-ket reklama qilishlari g`ashingga tegadi, ayniqsa bu holat bizning shou-biznesimiz vakillari orasida keng tarqalgan. Kompaniyalar, ishlab chiqaruvchilar, restoranlar, kafelar, art-salonlar, gul do`konlari, qandolat fabrikalari sizga ijtimoiy tarmoqlardagi sahifangizda reklama evaziga sovg`a jo`natadi. Ular sovg`a jo`natganidan so`ng siz ijtimoiy tarmoqdagi sahifangizda mahsulot haqida ma`lumot berishga majbursiz. Ochiq aytaman, men bunday qilmayman. Agar shunday qilsam ham menga sovg`a berishgani uchun emas, balki haqiqatan ham shu ma`lumot bilan bo`lishgim kelgani uchun shunday qilaman.
Men hech qachon o`zim ishlatmaydigan va hayotimda o`rin yo`q bo`lgan mahsulotni reklama va piar qilmayman. Hech qanday summa evaziga! Men reklama qilayotgan va ijtimoiy tarmoqlardagi sahifalarimda joylashtirayotgan narsalar Tekshirilgan! Ma`qullangan!”, deb yozadi Lola.
Lola mana shu so`zlarni yozib, poytaxtdagi restoranlardan birida ta`tib ko`rgan deserti haqida ma`lumot berdi va #reklama emas xeshtegini ham qo`shib qo`ydi.
Haqiqatan ham taniqli san`atkorlar, aktyorlar va boshlovchilar, bir so`z bilan aytganda o`zbek shou-biznesi vakillarining ijtimoiy tarmoqlardagi sahifalarini kuzatar ekansiz, turli mahsulotlar va xizmat turini reklama qilish hollariga guvoh bo`lasiz. Bu ko`pincha shou-biznes vakilining o`ziga yuborilgan sovg`a uchun ishlab chiqaruvchiga minnatdorchilik bildirishi ko`rinishida bo`ladi.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...