Taniqli boshlovchi Nasiba Maqsudovaning dafn marosimi 10 fevral kuni bo`lib o`tishi xabar qilindi.
Marhumning janozasi 10 fevral kuni Peshin vaqtida Do`rmon, Ravon (tupik) ko`chasida o`qiladi.
Marosimda qatnashishni hohlovchilar uchun avtobus tashkil qilinadi. Avtobus ertalab 10:00 da Hamid Olimjon maydonidan (turargohi) yo`lga chiqadi.
Ma`lum bo`lishicha, Nasiba Maqsudovaning qizi Iordaniyada bo`lganligi sababli dafn marosimi 10 fevralga belgilangan.
Marhumaning 1 o`g`il va 2 qiz farzandi bo`lgan.
Eslatib o`tamiz, 1948 yilning 12 aprel kuni tavallud topgan Nasiba Murodovna 2017 yilning 8 fevral kuni 69 yoshida vafot etdi. Nasiba Maqsudova og`ir yurak hurujidan yorug` olamni tark etdi.
