UzGazOil avtomobillarga yoqilg`i quyish shoxobchalari tarmog`i Uzneftegaz brendi ostiga o`tdi. Toshkent va hududlardagi AYoQSh, AGQSh va AGTKS larda peshlavhalar o`zgartirildi.
“O`zneftmahsulot” kompaniyasining “Gazeta.uz"ga ma`lum qilishicha, o`zgarishlar UzGazOil va “O`zneftmahsulot” AJning qo`shilishi munosabati bilan amalga oshirildi.
“O`zneftgaz” Milliy xolding kompaniyasi 2011 yildan UzGazOil MChJning 100 foiz aksiyalariga egalik qiladi.
9 fevral kuni “O`zneftmahsulot” ustav fondida “O`zbekneftgaz” ulushi oshirilishi hisobidan UzGazOil’ni «O`zneftmahsulot"ga qo`shish yo`li bilan qayta tashkil etish to`g`risidagi O`zbekiston hukumati qarori qabul qilindi.
