Sharhlovchilar bolaning prezident delegasiyasiga qanday qilib, yaqin borganligi bilan qiziqishdi, deb xabar berdi “Tjournal.ru” nashri.
“Afisha Kazan” ning Instagram akkauntida 13 fevral kuni Tatariston poytaxtiga rasmiy tashrif bilan borgan Rossiya Davlat dumasi raisi Vyacheslav Volodin, Tatariston prezidenti Rustam Minnixonov va delegasiyaning boshqa a`zolari o`tib ketayotganda qor ustida o`zini uxlaganga solib yotgan bolaning surati paydo bo`ldi.
Suratni tomosha qilgan ijtimoiy tarmoq foydalanuvchilari sovuq qor ustida yotgan bolaning sog`ligidan xavotir olishgan va uni prezidentning qo`riqchilari ko`rmaganidan hayron qolishgan.
“Inkazin” xabarlar xizmati ham qor ustida yotgan bola aks etgan videoni YouTube kanaliga joylashtirgan. Unda prezident va boshqa siyosatchilar o`tib ketayotganda bolaning qor ustida yotganligini ko`rish mumkin.
