Bu ajabtovur voqea 6 yil avval sodir bo`lgan, biroq u haqda endigina ma`lum qilindi.
2011 yilning 14 noyabrida AQShning Janubiy Karolina shtatidagi Mirtl-Bich qutqaruv stansiyasi qutqaruvchilari qornidagi kuchli og`riqdan shikoyat qilgan ayoldan chaqiruv qo`ng`irog`ini qabul qildi.(911 ga qo`ng`iroq qilinganda qutqaruvchilar ham kelishi mumkin, ular birinchi tibbiy yordam ko`rsatish salohiyatiga ega)
Mark Xadden va uning brigadasi qo`ng`iroq bo`yicha kelishganida ularga murojaat qilgan homilador ayolning ko`zi yoriyotgan edi. Ayolni shifoxonaga olib borishga vaqt etmasdi. Shuning uchun ikki farzandning otasi bo`lgan qutqaruvchining o`zi tug`ruqni qabul qilishiga to`g`ri keldi.
Mark yangi tug`ilgan chaqaloqni qo`liga olganida o`zining qizini ushlab turganini tasavvur ham qilmagan edi. Qizaloqning onasi o`sha kuniyoq mahalliy shifoxonada chaqaloqdan voz kechishi haqida rasman ma`lum qildi.
Ikki kundan so`ng chaqaloqni Xaddenlar oilasiga berishdi. Bir yildan so`ng esa ular qizaloqni o`zlarining farzandlari sifatida rasmiylashtirishdi.
Hozir 5 yoshli Rebekka maktab qoshidagi bog`chaga boradi. Uning hozirgi onasi Bet Xadden esa maktabda dars beradi. Qizaloq o`zining 12 va 14 yoshli akalrini ham juda yazshi ko`radi. Oila a`zolari Rebekkadan uning qanday dunyoga kelganini yashirmaydi. Qizcha o`zining tug`ilish tarixini yaxshi biladi.
Rebekkaning o`zi ham uning dunyoga kelishiga otasi o`zining tez tibbiy yordam mashinasida yordam berganini aytadi.
“U oxir-oqibatda biz uni qay darajada yaxshi ko`rishimizni biladi. Ba`zan insonning o`z farzandi boshqa ota-onalardan dunyoga keladi”,— deydi Mark.
