Бу ажабтовур воқеа 6 йил аввал содир бўлган, бироқ у ҳақда эндигина маълум қилинди.
2011 йилнинг 14 ноябрида АҚШнинг Жанубий Каролина штатидаги Миртл-Бич қутқарув станцияси қутқарувчилари қорнидаги кучли оғриқдан шикоят қилган аёлдан чақирув қўнғироғини қабул қилди.(911 га қўнғироқ қилинганда қутқарувчилар ҳам келиши мумкин, улар биринчи тиббий ёрдам кўрсатиш салоҳиятига эга)
Марк Хадден ва унинг бригадаси қўнғироқ бўйича келишганида уларга мурожаат қилган ҳомиладор аёлнинг кўзи ёриётган эди. Аёлни шифохонага олиб боришга вақт етмасди. Шунинг учун икки фарзанднинг отаси бўлган қутқарувчининг ўзи туғруқни қабул қилишига тўғри келди.
Марк янги туғилган чақалоқни қўлига олганида ўзининг қизини ушлаб турганини тасаввур ҳам қилмаган эди. Қизалоқнинг онаси ўша куниёқ маҳаллий шифохонада чақалоқдан воз кечиши ҳақида расман маълум қилди.
Икки кундан сўнг чақалоқни Хадденлар оиласига беришди. Бир йилдан сўнг эса улар қизалоқни ўзларининг фарзандлари сифатида расмийлаштиришди.
Ҳозир 5 ёшли Ребекка мактаб қошидаги боғчага боради. Унинг ҳозирги онаси Бет Хадден эса мактабда дарс беради. Қизалоқ ўзининг 12 ва 14 ёшли акалрини ҳам жуда язши кўради. Оила аъзолари Ребеккадан унинг қандай дунёга келганини яширмайди. Қизча ўзининг туғилиш тарихини яхши билади.
Ребекканинг ўзи ҳам унинг дунёга келишига отаси ўзининг тез тиббий ёрдам машинасида ёрдам берганини айтади.
“У охир-оқибатда биз уни қай даражада яхши кўришимизни билади. Баъзан инсоннинг ўз фарзанди бошқа ота-оналардан дунёга келади”,— дейди Марк.
