Qozog`istonning Mangistau viloyatidagi Aktau shahrida yashovchi Sattigali Joldasbay ismli o`quvchi bola ko`zi ojiz insonlarga yordam beruvchi aqlli, SMART do`ppini yaratdi, deb xabar berdi “Mir24.tv” nashri.
Maktab bitiruvchisi bo`lgan Sattigali yaratgan do`ppi oddiy mobil telefondan olingan, vibromotorga signal uzatuvchi harakat datchigi bilan ta`minlangan. Qarshilik va to`siq paydo bo`lganda sensorlar vibrasiya berib, bu haqda odamni ogohlantiradi. “Odam o`z harakatlarini tuzatib, harakat yo`nalish burchagini o`zgartirishi mumkin. Loyiha Arduino mikroplatidan foydalangan holda ishlab chiqarilgan. Mening mazkur ixtirom ko`zi ojiz insonlarga katta yordam beradi, deb umid qilaman”, deydi Sattigali Joldasbay. U 18 fevral kuni Mangistau viloyatida o`tkaziladigan ilmiy loyihalar ko`rgazmasida ishtirok etadi. Sattigali o`tgan yilning yozida Malayziyada ikki haftalik maxsus kursda ta`lim olib qaytdi.
