15 fevral kuni O`zbekiston Prezidenti Shavkat Mirziyoev “Madaniyat va sport sohasida boshqaruv tizimini yanada takomillashtirish chora-tadbirlari to`g`risida” imzolagan farmoniga muvofiq ayrim ta`lim muassasalari yangi tuzilgan Madaniyat vazirligi tasarrufiga o`tadi.
Musiqiy ta`lim va kadrlar tayyorlash tizimini takomillashtirish maqsadida Xalq ta`limi vazirligiga qarashli R.Glier va V.Uspenskiy nomidagi Respublika ixtisoslashtirilgan akademik musiqa liseylari, Respublika ixtisoslashtirilgan musiqa va san`at akademik liseyi, 301 bolalar musiqa va san`at maktabi Madaniyat vazirligi tizimiga o`tkazildi.
