​Xorazmlik Dilafruz Hayitmetova Toshkentni zabt etish uchun eng zo`r klipmeykerlardan foydalanmoqchi (Video)

Xorazm yoshlari orasida mashhur bo`lgan, sobiq “Lazgi” ansambli raqqosasi Dilafruz Hayitmetova Toshkentni zabt etishga qaror qildi.

Mazkur jarayonga esa Dilafruz eng zo`r klipmeykerlarning xizmatlariga murojaat qildi.

Xususan xonandaning poytaxtni zabt etishi uchun Muhammadali Iskandarov boshchiligidagi “MIR ALI CINEMA” hamda Narimon Sultonxo`jaev rahbarligidagi “Narimonfilms” mehnat qilishmoqda. Eng zo`r klipmeykerlar tomonidan suratga olingan mazkur klipning suratga olinish jarayoniyoq ijtimoiy tarmoqlarni “gullatdi”. Lavhalarning o`zidanoq bu ijodkorlarning sa`y-harakatlari bilan Dilafruz o`z maqsadiga erishishi shubhasizligi ko`rinib turibdi.

onandaning ijodiga to`xtaladigan bo`lsak, u “Lazgi” ansamblining raqqosasi sifatida ko`p yillar ijod qilgan. U ustoz san`atkorlar bilan bir davrada turib, Xorazm kuy-qo`shiqlarini kuylab, maromiga etkazib raqsga tusholadigan ijodkorlardan. Xonanda o`z ijodi bilan Qozog`iston, Turmaniston va Tojikiston davlatlarida ham bo`lgan.

Poytaxtda ijod qilish va muxlislari ko`lamini orttirish xonandaning asosiy maqsadlaridan biri.

Klip ijodkorlarning taxminiy hisob-kitoblariga ko`ra, video mart oyida ekran yuzini ko`rishi rejalashtirilmoqda.

“Bum-bum” qo`shig`imning klipini suratga olish jarayonida ishtirok etgan barcha ijodkorlarga o`z minatdorchiligimni bildiraman”, deydi Dilafruz.