rampning Oq uyda oliy ta`lim muassasalari rahbarlari bilan bo`lgan rasmiy uchrashuvida uning maslahatchisi bo`lgan Kellienn Konueyning divanda chordana qurib o`tirishi foydalanuvchilarning ensasini qotirdi, deb xabar berdi “Ria.ru” nashri.
Tadbir davomida olingan suratlarda Konueyning divanda chordona qurib o`tirganini ko`rish mumkin. Uning rasmiy uchrashuvda bunday ahvolda o`tirganini ijtimoiy tarmoq foydalanuvchilari qizg`in muhokama qilishdi.
“Fotosurat yuzasidan savollarim ko`p. Eng birinchi savolim: Nega hech kim Kellienn Konueyga to`g`ri o`tir demagan?”, deb hayron bo`ldi Twitter foydalanuvchilaridan biri bo`lgan Rex Huppke.
Boshqa foydalanuvchilar ham Konueyning mazkur o`tirishini axloq-odob qoidalariga zid, deb hisobladi. Ular o`z navbatida AQShning sobiq prezidenti Barak Obamaning ish jarayonida oyog`ini stol ustiga chalishtirib o`tirgani aks etgan fotosurat haqida ham eslab o`tishdi.
