AQShning yangi tasdiqlangan ichki ishlar vaziri Rayan Zinke ilk ish kunida ishga kovboylar kiyimini kiyib, ot minib keldi, deb xabar berdi “Tvzvezda.ru” nashri.
Rayan Zinke o`zining bu harakatini Tvitter sahifasida quyidagicha izohladi: “Jasur polisiya zobitlari qatorida turish men uchun sharafdir. Ular o`zlarining hayotini xavf ostiga qo`yib, boshqalarga yordam beradi”. U o`z postiga bir qancha fotosuratlarni ham ilova qildi.
Rayan Zinke kovboy libosida Vashingtonning bir qancha kvartallarini aylandi. Unga AQSh ichki ishlar vazirligining otliq polisiya otryadi hamrohlik qildi.
AQSh Senati Tramp tomondan taklif etilgan Zinkening nomzodini mamlakat ichki ishlar vaziri lavozimiga 1 mart kuni tasdiqladi. Siyosatchi ilgari Kongress quyi palatasining eng konservativ shtati bo`lgan Montananing vakili sifatida qatnashgan.
