АҚШнинг янги тасдиқланган ички ишлар вазири Райан Зинке илк иш кунида ишга ковбойлар кийимини кийиб, от миниб келди, деб хабар берди “Тvzvezda.ru” нашри.
Райан Зинке ўзининг бу ҳаракатини Твиттер саҳифасида қуйидагича изоҳлади: “Жасур полиция зобитлари қаторида туриш мен учун шарафдир. Улар ўзларининг ҳаётини хавф остига қўйиб, бошқаларга ёрдам беради”. У ўз постига бир қанча фотосуратларни ҳам илова қилди.
Райан Зинке ковбой либосида Вашингтоннинг бир қанча кварталларини айланди. Унга АҚШ ички ишлар вазирлигининг отлиқ полиция отряди ҳамроҳлик қилди.
АҚШ Сенати Трамп томондан таклиф этилган Зинкенинг номзодини мамлакат ички ишлар вазири лавозимига 1 март куни тасдиқлади. Сиёсатчи илгари Конгресс қуйи палатасининг энг консерватив штати бўлган Монтананинг вакили сифатида қатнашган.
