Kitobning muqovasiga qarab, u haqda xulosa chiqarma, degan ibora aynan mana shu — Yaponiyada joylashgan jajjigina uyga nisbatan aytilgan, deb yozadi “Onedio.ru” nashri.
Mazkur uychani Mizuishi Architects Atelier kompaniyasi me`morlari loyihalashtirgan. Ularning ixtiyorida daryo va yo`l oralig`idagi 55 kv.metr maydon bor edi. Shuning uchun uy tor va uch burchak shaklda qurildi. U tashqi tomondan kichkina ko`rinsa-da, ichi kengdir.
Uchburchak uy ikki qavatdan iborat bo`lib, uning birinchi qavatida yotoqxona va oshxona, ikkinchi qavatida esa mehmonxona va o`yin o`ynash uchun moslashtirilgan kichkina xona joylashgan. Xonalar keng ko`rinishi uchun devorlar ataylab, oq rangga bo`yalgan. Suratlarni tomosha qilsangiz, uning naqadar ixcham va go`zalligiga o`zingiz amin bo`lasiz.
