Китобнинг муқовасига қараб, у ҳақда хулоса чиқарма, деган ибора айнан мана шу — Японияда жойлашган жажжигина уйга нисбатан айтилган, деб ёзади “Оnedio.ru” нашри.
Мазкур уйчани Mizuishi Architects Atelier компанияси меъморлари лойиҳалаштирган. Уларнинг ихтиёрида дарё ва йўл оралиғидаги 55 кв.метр майдон бор эди. Шунинг учун уй тор ва уч бурчак шаклда қурилди. У ташқи томондан кичкина кўринса-да, ичи кенгдир.
Учбурчак уй икки қаватдан иборат бўлиб, унинг биринчи қаватида ётоқхона ва ошхона, иккинчи қаватида эса меҳмонхона ва ўйин ўйнаш учун мослаштирилган кичкина хона жойлашган. Хоналар кенг кўриниши учун деворлар атайлаб, оқ рангга бўялган. Суратларни томоша қилсангиз, унинг нақадар ихчам ва гўзаллигига ўзингиз амин бўласиз.
