Donald Tramp muhojirlar bo`yicha yangi qaror imzoladi. Mazkur qaror sud tomonidan avvalroq to`xtatib turilgan eski qarorning o`rniga o`tadi, deya xabar berdi AQSh davlat kotibi Reks Tillerson.
Yangi hujjatga ko`ra, 90 kun davomida 6 ta musulmon mamlakati fuqarolari – Eron, Yaman, Liviya, Suriya, Somali va Sudanning AQShga kirishi taqiqlanadi. Bu safar Iroq ro`yxatga kiritilmadi.
Mazkur hujjat 16 martdan kuchga kiradi. Oq uy ta`kidlaydi: mazkur qaror musulmonlarning kirishiga taqiq sanalmaydi.
