Kaliforniya shtatining sobiq gubernatori, aktyor Arnold Shvarsenegger o`zining siyosiy karerasini davom ettirishni niyat qildi, deb xabar berdi “Vesti.ru” nashri.
U kelasi yilda o`tkaziladigan AQSh senati saylovida ishtirok etishni rejalashtirdi.
Aktyorning vakili hisoblangan Deniel Ketchill Shvarsenegger Vashingtonni qayta islohat o`tkazishga majbur qilishga intilmoqchi bo`layotganligini ma`lum qildi.
Shvarsenegger AQSh prezidenti Donald Trampning muhojirlar bo`yicha chiqargan farmonini tanqid qilib, unga “joy almashish”ni taklif qilgani haqida ilgari xabar bergan edik. O`z navbatida Tramp ham bir paytlar o`zi olib borgan shouda boshlovchilik qilayotgan Shvarseneggerni realitu-shouning mavqeini tushirib yuborganlikda ayblagandi. Uning aytishicha, Shvarsenegger shoudan o`z xohishi bilan emas, balki ishdan bo`shatilgani uchun ketgan.