Калифорния штатининг собиқ губернатори, актёр Арнольд Шварценеггер ўзининг сиёсий карьерасини давом эттиришни ният қилди, деб хабар берди “Vesti.ru” нашри.
У келаси йилда ўтказиладиган АҚШ сенати сайловида иштирок этишни режалаштирди.
Актёрнинг вакили ҳисобланган Дэниел Кетчилл Шварценеггер Вашингтонни қайта ислоҳат ўтказишга мажбур қилишга интилмоқчи бўлаётганлигини маълум қилди.
Шварценеггер АҚШ президенти Дональд Трампнинг муҳожирлар бўйича чиқарган фармонини танқид қилиб, унга “жой алмашиш”ни таклиф қилгани ҳақида илгари хабар берган эдик. Ўз навбатида Трамп ҳам бир пайтлар ўзи олиб борган шоуда бошловчилик қилаётган Шварценеггерни реалиту-шоунинг мавқеини тушириб юборганликда айблаганди. Унинг айтишича, Шварценеггер шоудан ўз хоҳиши билан эмас, балки ишдан бўшатилгани учун кетган.
