​Prezident Shavkat Mirziyoev Buxoro temir yo`l vokzalida yo`lovchilar uchun yaratilgan sharoitlar bilan tanishdi

Jamiyat 10.03.2017, 16:36
Teglar: Shavkat Mirziyoev
​Prezident Shavkat Mirziyoev Buxoro temir yo`l vokzalida yo`lovchilar uchun yaratilgan sharoitlar bilan tanishdi

Prezidentimiz Shavkat Mirziyoev Buxoro temir yo`l vokzalida yo`lovchilar uchun yaratilgan sharoitlarni borib ko`rdi.

Uzoq istiqbolga mo`ljallangan maxsus dasturlar, loyihalar asosida ushbu sohada keng ko`lamli islohotlar, ulkan bunyodkorlik ishlari amalga oshirilmoqda. Buning samarasida o`tgan yillarda yangi temir yo`l liniyalari barpo etilib, mavjudlari rekonstruksiya qilindi va elektrlashtirildi. Yangi yo`nalishlar tashkil etilib, yangi vokzallar qurildi, mavjud temir yo`l vokzallari ta`mirlandi, deb yozadi O`zA.

Mazkur vokzal Birinchi Prezidentimiz Islom Karimovning 2015 yil 6 martdagi 2015-2019 yillarda muhandislik-kommunikasiyalari va yo`l-transport infratuzilmasini modernizasiya qilish va rivojlantirish dasturi to`g`risidagi qaroriga asosan yangidan qurilib, foydalanishga topshirilgan.

Vokzal ichida VIP va turli xizmatlar ko`rsatish zallari, tibbiyot, ona va bola, dam olish xonalari, kutubxona, bufet, savdo shoxobchalari mavjud. Bino tashqarisida 4 yangi chiptaxona va favvora qurildi.

Maydoni 2,9 gektar bo`lgan vokzal bir vaqtning o`zida 500 dan ziyod yo`lovchiga xizmat ko`rsatadi. Bir kecha-kunduzda 2 mingdan ortiq yo`lovchini kutib olib, jo`natish imkoniyatiga ega.

Davlatimiz rahbari shu erda Buxoro – Miskin temir yo`l qurilishining borishi bilan tanishdi. Ushbu temir yo`l 350 kilometrdan ziyod. Loyihaning umumiy qiymati 283 million dollarni tashkil etadi.

Buxoro – Miskin yo`nalishi bo`yicha quriladigan temir yo`lda 8 temir yo`l stansiyasi va raz`ezdlar barpo etish belgilangan.

2015 yil 6 noyabrda “O`zbekiston temir yo`llari” aksiyadorlik jamiyati va Ispaniyaning “PATENTES TALGO, S.L.U” kompaniyasi o`rtasida yana 2 yuqori tezlikda harakatlanuvchi elektropoezd xarid qilish bo`yicha shartnoma imzolangan edi. Shartnomaga muvofiq, ushbu zamonaviy elektropoezdlarning bittasi mamlakatimizga olib kelindi.

Prezidentimiz mazkur yangi “Afrosiyob” elektropoezdining imkoniyatlari, yo`lovchilar uchun yaratilgan qulayliklar bilan tanishdi.

Yangi zamonaviy elektropoezd oldingilariga qaraganda keng imkoniyatga ega. Xususan, shu vaqtga qadar harakatlanayotgan yuqori tezlikdagi elektropoezdlar 215 yo`lovchi sig`imiga ega bo`lib, 2 Vip, 2 "biznes" va 4 "ekonom" toifali vagonlardan iborat. Yangi poezd 287 yo`lovchi sig`imiga ega. Unda "ekonom" toifali vagonlar soni 2 ta ko`p.

Tez kunlarda zamonaviy elektropoezdning ikkinchisi ham olib kelinadi. Poezdlar harakatini yo`lga qo`yish barobarida qo`shimcha ish o`rinlari yaratilib, 15 mashinist va 50 ga yaqin vagon kuzatuvchisini ish bilan ta`minlash ko`zda tutilgan.

“O`ztemiryo`lmashta`mir” sho``ba korxonasi hududida yuqori tezlikda harakatlanuvchi elektropoezdlarga xizmat ko`rsatish sexi qurilmoqda. Bu ham yangi ish o`rinlarini ko`paytirish imkonini beradi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1