Ijtimoiy tarmoqlarda 13 mart, dushanba kuni Toshkentning Yunusobod tumanida sodir bo`lgan YTH suratlari tarqaldi.
Suratlarda Malibu avtomobilining yo`l chetidagi daraxtga zarb bilan urilishi oqibatida majag`langanini ko`rish mumkin. Guvohlarning aytishicha, Yunusobod tumani 19 dahasida yuz bergan mazkur YTH Lacetti avtomobili haydovchisining aybi bilan sodir bo`lgan. Aynan Lacetti Malibu`ni siqib qo`ygan, oqibatda esa avtomobil yo`l chetidagi ariqdan oshib o`tib, daraxtga urilgan.
Ijtimoiy tarmoqlar foydalanuvchilarining taxminiga ko`ra, Malibu avtomobili “moyka”da qoldirilgan. Moykachilardan biri avtomobilda “aylanib kelmoqchi” bo`lgan va yo`l-transport hodisasiga uchragan.
Guvohlarning so`zlariga ko`ra, yo`l-transport hodisasi oqibatida hech kim jabrlanmagan.
