Xonanda Lola Yo`ldoshevaning “Bilmaysan” taronasi va unga olingan video klip Türk müzik birliği televizyonu musiqiy kanalida yuqori pog`onani zabt etdi. Bu haqda xonandaning o`zi “Instagram”dagi sahifasida xabar berdi.
“Mening “Bilmaysan” trekim TMB musiqiy telekanalidagi TOP 20 xit-paradida birinchi pog`onani egalladi. Bu juda yoqimli. Mualliflarga, ushbu video yaralishida ishtirok etgan barchaga rahmat. Mening bir yaqin insonim aytganiday: “Bilmaysan” – bunga arziydi!”
Mazkur xit-paraddan Loladan tashqari Nilufar Usmonova hamda Shahzodaning ham taronalari joy olgan.
TMB RU (Türk Müzik Birliği Televizyonu) —Turkiyaning musiqiy telekanali bo`lib, uning 80% efir vaqtini sharqiy va turkiy tilda so`zlashuvchi mamlakatlarning musiqiy kliplari, yangi Rossiya va xorij pop-musiqalari egallaydi.
