Misr davlatining sobiq prezidenti Husni Muborak qamoqdan ozod etildi, deb xabar berdi Meduza.io nashri.
24 mart kuni Muborak harbiy gospitalni tark etib, Geliopoldagi uyiga yo`l oldi. U 2011 yilda lavozimidan olib tashlangandan keyin 6 yil davomida qamoqda o`tirdi.
2011 yilda bo`lib o`tgan “Arab bahori” norozilik namoyishida yuzlab ishtirokchilarning o`limida ayblangan Muborak 2 mart kuni to`liq oqlandi. Prezidentning o`zi namoyish ishtirokchilarini o`qqa tutishga buyruq berganligini tan olmadi. 2012 yilda sud uni mazkur jinoiy ish yuzasidan umrbod qamoq jazosiga hukm qilgan edi. Husni Muborak 88 yoshda bo`lib, 1981 yildan 2011 yilgacha hukumat rahbari sifatida faoliyat yuritgan.
