Hindiston televideniesidagi jonli efirda yangiliklar ko`rsatuvini olib boruvchi teleboshlovchi o`zi bilmagan holda erining o`limi haqidagi xabarni o`qidi, deb ma`lum qildi Tjournal.ru nashri.
IBC24 telekanalida yangiliklar ko`rsatuvini olib boruvchi 28 yoshli teleboshlovchi Suprit Kaur yo`l-transporti hodisasi oqibatida uch kishi halok bo`lgani va ikki kishi yaralangani haqidagi xabarni o`qidi. O`sha paytda halok bo`lganlar orasida eri ham borligidan u bexabar edi.
Keyinroq telekanal muxbiri jonli efirga qo`ng`iroq qilib, YTH Chattisgarx shtatidagi Maxasamund tumanida Renault Duster rusumli avtomashina ishtirokida ro`y berganligini ma`lum qildi. Shunda Kaur aynan shu rusumdagi avtomashinani boshqaradigan turmush o`rtog`i haqida gap ketayotganligini angladi.
Jonli efir vaqti tugagandan keyin Kaur muxbirga qo`ng`iroq qilib, YTHda jabrlanganlarning ism-familiyasini so`radi. Uch nafar halok bo`lgan odamlar orasida uning turmush o`rtog`i Xarsad Kavada ham borligini eshitib, esankirab qoldi. Kaur va Kavada bir yil ilgari turmush qurgan edi.
Hindistonning IBC24 telekanali 2008 yilda tashkil etilgan bo`lib, sutka davomida to`xtamay, Chxattisgarx va Madxya-Pradesh shtatlaridagi yangiliklarni yoritadi, Hindistonda hind va ingliz tillari davlat tili hisoblangani bois, aksariyat ko`rsatuvlar ikki tilda olib boriladi. IBC24 telekanali ko`rsatuvlari esa hindiy va chxattisgarxi tillarida namoyish etiladi.
19.04.2024, 15:45
Bugun, 19 aprel sanasida Hindistonda dunyodagi eng yirik parlament saylovlari boshlanadi. Bu haqda “RIO Novosti” ma`lum qildi.Etti bosqichdan iborat ovoz berishlarda 968 mln nafar ro`yxatga...
18.08.2023, 11:58
Hindiston poytaxtidagi Indira Gandi nomidagi xalqaro aeroportda sakkiz nafar O`zbekiston fuqarosi qo`lga olindi. Bu haqda Hindiston bojxona departamenti xabar qildi.Ma`lum qilinishicha, ular 5,3 kilogramm oltinni...
21.12.2022, 09:32
Odam savdosi bilan bog`liq yana bir jinoyat aniqlandi. Bu haqda Toshkent viloyati IIBB Axborot xizmati xabar bermoqda. Ma`lum qilinishicha, joriy yilning 13 dekabr kuni Toshkent viloyati...
22.07.2022, 11:01
Hindistonda bo`lib o`tgan prezidentlik saylovlarida hukmron Bharatiya Janata partiyasi a`zosi, Milliy demokratik alyans nomzodi Draupadi Murmu g`alaba qozondi, deb xabar bermoqda The Indian Express nashriga...
