“Evrovidenie-2017” musiqiy tanlovida Rossiya ishtirok etmaydi. Bu haqdagi ma`lumot musiqiy tanlovning rasmiy saytiga joylashtirildi.
Tanlov mutasaddilari “Rossiyaning musiqiy tanlovda ishtirok etishini ta`minlashi mumkin bo`lgan choralarni izlashga uringani”ni alohida ta`kidlab o`tdi.
Rossiya vakilasi Yuliya Samoylovaga videoko`prik vositasida chiqish qilishni taklif qilishdi. Bundan tashqari, hay`at a`zolari tanlovda boshqa rossiyalik xonanda ishtirok etishini taklif qilishgan.
Ma`lumotda yozilishicha, har ikki taklif ham Rossiyaning Birinchi kanali tomonidan rad etilgan.
Avvalroq Birinchi kanal Kiev rossiyalik tanlov ishtirokchisini qabul qilishdan bosh tortgani uchun “Evrovidenie-2017”ni translyasiya qilmasligini bildirgan edi.
Ukraina xavfsizlik xizmati Yuliya Samoylova Qrimda konsert bergani uchun unga 3 yil muddatga mamlakat hududiga kirishni taqiqlab qo`ydi.
“Men albatta xafa bo`ldim. Axir bu mening orzuim edi! Men so`nggi daqiqagacha, bu masala ijobiy hal bo`lishiga umid qilgandim, afsus bunday bo`lmadi”,—deydi Samoylova.
