Boston marafonining ilk ayol ishtirokchisi bo`lgan Katrin Shvitser oradan 50 yil o`tib, yana aynan o`sha 261 sonli raqam ostida marafonda ishtirok etdi, deb xabar berdi Ria.ru nashri.
Shvitser ilk marotaba marafonda 1967 yilda ishtirok etgan edi, o`shandan beri u mazkur masofaga yugurishda to`qqizinchi marta ishtirok etdi. U o`sha paytda marafonda ishtrok etgan ilk yagona ayol edi. Hozirda u 70 yoshga to`lgan, marafonda belgilangan masofani 4 soat 44 daqiqa-yu, 31 soniyada bosib o`tdi.
“Men bundan 50 yil ilgarigi kabi marraga etib keldim. Marafonda qatnashishimning asosiy sababi ayollar hayotini o`zgartirishdan iborat. Oradan 50 yil o`tgach, nimalar bo`lishini tasavvur qilish juda ham qiyin”, deb yozdi keksa sportchi o`zining Facebook sahifasida.
Katrin Shvitser umri davomida umumiy hisobda 40 ta marafonda ishtirok etgan.
#mondaymotivation - the INCREDIBLE Kathrine Switzer who yesterday ran Boston, 50 years after her first run, at 70 years old! #agelessbeauty pic.twitter.com/xA3blG4Pmx
— STUDIO | 10 makeup (@Studio10Beauty) 18 aprelya 2017 g.
