​Prezident Shavkat Mirziyoev Imom Termiziy jome` masjidida bo`ldi

Jamiyat 21.04.2017, 21:38
Teglar: O`zbekiston, Shavkat Mirziyoev
​Prezident Shavkat Mirziyoev Imom Termiziy jome` masjidida bo`ldi

Prezidentimiz poytaxtimizning Olmazor tumanidagi Imom Termiziy jome` masjidida bo`ldi.

Butun dunyoda buyuk ajdodlarimizning so`nmas dahosiga hurmat-ehtirom, ularning boy ilmiy merosini o`rganishga qiziqish hamisha yuqori bo`lgan. Xorijiy mamlakatlarda ularning hayoti va faoliyati haqida ilmiy va badiiy asarlar yaratilgan.

Birinchi Prezidentimiz rahnamoligida buyuk olim va mutafakkirlarimiz, qadimiy shaharlarimiz yubileylari xalqaro miqyosda nishonlandi. Prezidentimiz Shavkat Mirziyoev rahbarligida ulug` allomalarimiz, aziz-avliyolarimiz qadamjolarini obod etish ishlari izchil davom ettirilmoqda. Milliy ma`naviy merosimizni tiklash va asrab-avaylash, ilm-fan va ta`limni rivojlantirishga alohida e`tibor qaratilmoqda.

Buyuk bobolarimiz tafakkuri mahsuli bo`lgan tarix, adabiyot, san`at, axloq, falsafa, tibbiyot, matematika, kimyo, astronomiya, me`morlik, din va boshqa sohalarga oid minglab noyob qo`lyozmalar bizning bebaho boyligimizdir. Prezidentimiz ta`biri bilan aytganda, bunday boy merosga ega bo`lgan xalq dunyoda kamdan-kam topiladi.

Islom madaniyati rivojiga ulkan hissa qo`shgan buyuk vatandoshimiz Abu Iso Termiziy va termiziy allomalarning benazir merosini ilmiy asosda chuqur o`rganish bo`yicha samarali ishlar amalga oshirilmoqda.

Biz baxtiyor avlodmiz, baxtli xalqmiz, chunki shunday buyuk ajdodlarning vorisimiz, dedi Prezidentimiz. Xalqimiz farovonligi, mamlakatimiz ravnaqi yo`lida qilayotgan ishlarimiz bilan ulug` ajdodlarimizga munosib bo`lishimiz kerak. Bu barchamizdan yuksak mas`uliyat talab qiladi.

Shavkat Mirziyoev nuroniylar bilan suhbatda dunyoning turli hududlarida islom dinini niqob qilib olgan kimsalar qanchadan-qancha begunoh odamlarning umriga zomin bo`layotganini, bunday qabih harakatlar muqaddas dinimizga mutlaqo to`g`ri kelmasligini, farzandlarimizni ana shunday yovuz niyatli kuchlar, ekstremistik g`oyalar ta`siridan asrab-avaylashimiz zarurligini qayd etdi.

Hazrati Imom (Xastimom) majmuasida Islom madaniyati markazini tashkil qilamiz, dedi Shavkat Mirziyoev. Yurtdoshlarimiz, mamlakatimizga keladigan mehmonlar bu erda buyuk allomalarimizning bebaho merosi namunalari bilan yaqindan tanishish imkoniyatiga ega bo`lmog`i lozim.

Prezidentimiz mutasaddilarga masjidni rekonstruksiya qilish bo`yicha topshiriq berdi.

Sharhlar

O`zbekiston Eronni mag`lub etib, Osiyo kubogiga yo`llanmani qo`lga kiritdi (video)

13.09.2023, 11:02

Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol  o`tkazib...
⚡️Qirg`iziston va O`zbekiston hamkorlikda ishlab chiqaradigan avtomobillarning narxlari e`lon qilindi

24.01.2023, 10:47

Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
Putin O`zbekistondagi g`ayritabiiy sovuqlar haqida fikr bildirdi (video)

18.01.2023, 11:45

Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
Ob-havo: Toshkent
Valyuta kursi
1