Toshkent shahar Yakkasaroy tumanida tashkil etilgan sayyor qabulda aholi murojaatlari batafsil o`rganilib chiqildi, deb xabar beradi O`zA.
Jumladan, Yakkasaroy tumanida 20 yildan beri ijarada yashovchi avtobus haydovchisi murojaati asosida uy bilan ta`minlandi.
“Sergeli tumanidagi ‘12-avtobus saroyi’da haydovchi bo`lib ishlayman, ikki farzandim bor, yigirma yildan beri ijarada yashab yurgandik. Prezidentimizning Virtual qabulxonasiga uy olish masalasida murojaat qilgandim. Mana, bugun oilamizga imtiyozli ipoteka krediti asosida Sergeli tumanida qurilayotgan ko`p qavatli uylardan ikki xonali kvartira berishdi. Oilamizning ko`p yillik muammosi hal bo`ldi. Bu kunlarni bir umr unutmaymiz”,— deydi Vasliddin Tog`aev.
