AQSh prezidenti Donald Tramp davlatning birinchi shaxslarini qo`riqlash uchun javob beruvchi Maxfiy xizmatga iste`fodagi general-mayor Rendolf Allesni rahbar etib tayinladi, deb xabar berdi Tvzvezda.ru nashri.
Rendolf Alles 35 yil davomida AQSh dengiz piyoda askarlari korpusida xizmat o`tagan va 2011 yilda general-mayor unvonida iste`foga chiqqan.
AQSh maxfiy xizmati davlatning birinchi shaxslarini, hukumatning asosiy ob`ektlarini qo`riqlash bilan shug`ullanadi. Shu bilan birga kiberjinoyatlar, davlat xizmatiga qilinadigan xakerlik hujumlarining oldini oladi. 2003 yilga qadar Maxfiy xizmat AQSh moliya vazirligiga qarashli bo`lgan, endi esa ichki xavfsizlik vazirligi tarkibiga kiritildi.
