25 aprel kuni Xalq deputatlari Jizzax viloyat Kengashining sessiyasi bo`lib o`tdi. Yig`ilishda tashkiliy masala ko`rib chiqildi. Unga ko`ra Jizzax shahar hokimi Abduqahhor To`xtaev o`z vazifasidan ozod etildi.
Jizzax shahar hokimi etib Jizzax viloyat hokimining sanoatni rivojlantirish, kapital qurilish, kommunikasiya va kommunal xo`jalik masalalari bo`yicha o`rinbosari lavozimida faoliyat yuritib kelayotgan Rahmonqulov Akram Baxritdinovich tayinlandi. Bu haqda Jizzax shahar hokimligi Axborot xizmati xabar bermoqda.
