O`zbekiston Respublikasi Prezidenti Shavkat Mirziyoev 29 aprel kuni Janubiy Qozog`iston viloyatiga tashrif buyurdi va Qozog`iston Respublikasi Prezidenti Nursulton Nazarboev bilan amaliy uchrashuv o`tkazdi.
O`zbekiston va Qozog`iston o`rtasidagi hamkorlik yaxshi qo`shnichilik, qardoshlik va o`zaro hurmat ruhida izchil rivojlanmoqda. O`zaro aloqalar barcha sohalarda faollashmoqda, deb yozadi O`zA.
Prezidentimiz Shavkat Mirziyoevning shu yil 22-23 mart kunlari Qozog`istonga davlat tashrifi mamlakatlarimiz o`rtasidagi munosabatlarda yangi sahifalar ochdi. Ushbu tashrif chog`ida imzolangan hujjatlar va erishilgan kelishuvlar izchil amalga oshirilmoqda.
Janubiy Qozog`iston viloyatidagi uchrashuvda Prezidentimizning shu yil mart oyida Qozog`istonga davlat tashrifi davomida mamlakatlarimiz o`rtasida erishilgan kelishuvlarni amalga oshirish jarayoni muhokama qilindi.
Prezidentimiz Shavkat Mirziyoev o`zaro uchrashuvlar muntazamlik kasb etgani davlatlararo munosabatlar samaradorligini yanada oshirishda muhim omil bo`layotganini ta`kidladi.
– Joriy yil mart oyidagi Qozog`istonga tashrifimizdan so`ng o`zaro hamkorligimizning barcha yo`nalishlari bo`yicha “Yo`l xaritasi”ni ishlab chiqdik. Vazirlar va hududlar rahbarlarining uchrashuvlari faollashdi, – dedi davlatimiz rahbari.
Prezident Nursulton Nazarboev oldingi uchrashuvdan keyin mamlakatlarimiz o`rtasidagi aloqalar yanada faollashganini qayd etdi.
– Shu yilning birinchi choragida iqtisodiyotning turli tarmoqlarida amaliy aloqalar sezilarli darajada oshdi. Transport-logistika, avtosanoat sohalaridagi va hududlararo hamkorlikni alohida ta`kidlash joiz. 2017 yilning dastlabki uch oyida o`zaro tovar ayirboshlash 37 foizga ko`paydi, – dedi Qozog`iston Prezidenti.
Prezident Shavkat Mirziyoev Prezident Nursulton Nazarboevga bugungi uchrashuv uchun samimiy minnatdorlik bildirdi.
Davlat rahbarlari O`zbekiston-Qozog`iston hamkorligidagi ijobiy sur`atlar barqaror saqlanishi va yanada rivojlanishiga ishonch bildirdilar.
18.03.2024, 12:51
Qozog`istondan 120 dan ortiq noqonuniy muhojir chiqarib yuborildi, deb xabar berdi Polisia.kz.“Migrant” tadbiri davomida huquq-tartibot idoralari xodimlari besh kun davomida 10 mingdan ortiq migrasiya qonunchiligi...13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...01.04.2023, 11:02
Qozog`istonning deportasiya qilingan ikki fuqarosi Janubiy Koreyada qochib ketdi, deb xabar berdi Tengrinews.kz. Ma`lumotni Qozog`iston tashqi ishlar vazirligi matbuot xizmati tasdiqlagan.Qozoqlarning qochishi ijtimoiy tarmoqlardan ma`lum...03.02.2023, 10:42
Joriy yil 1 fevral kuni soat 07:57 da Qozog`istonning Jualin tumani Nurlikent qishlog`i yaqinida avtobus Olmaota-Toshkent avtomobil yo`lining 570-kilometrida to`xtab qolgan. Qayd etilishicha, transport dvigatelida...