1 maydan e`tiboran O`zbekiston Respublasi Ichki ishlar vazirligining yagona qisqa 1102 ishonch telefon raqami test rejimida ishga tushirildi. Fuqarolar mazkur telefon raqamiga qo`ng`iroq qilib, huquq-tartibot organlari xodimlarining noqonuniy xatti-harakatlari ustidan shikoyat qilishlari mumkin. Bu haqda bugun Xalqaro press klub sessiyasida Ichki ishlar vaziri Abdusalom Azizov ma`lum qildi.
Ma`lumot uchun, O`zbekiston Respublikasi Prezidenti Shavkat Mirziyoevning 2017 yil 10 apreldagi “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni ta`minlashda ularning mas`uliyatini kuchaytirish chora-tadbirlari to`g`risida”gi Farmoni talablariga muvofiq, Ichki ishlar vazirligining Jismoniy-yuridik shaxslarning murojaatlari bilan ishlash va ish yuritish boshqarmasi tashkil etildi.
