Amerikaning Viskonson shtatida “Yulduzlar jangi” filmi qahramonining libosida darsga kelgan o`quvchi tufayli maktab o`quvchilari evakuasiya qilindi, deb xabar berdi Vesti.ru nashri.
Voqea 4 may kuni Ashvabenon shahrida ro`y berdi. Ota-onalardan biri yuziga niqob va bronjilet kiygan, qo`lida sumka ko`targan noma`lum shaxsning maktabning orqa eshigidan kirganligi haqida polisiyaga qo`ng`iroq qildi.
Mahalliy polisiya vakillaridan birining aytishicha, mazkur ota polisiyaga xabar berib, to`g`ri qilgan, chunki o`quv muassasiga kirgan har qanday shubhali shaxs tekshirilishi lozim. Bundan tashqari okrugda jamoat joyida niqobda kelish taqiqlangan.
4 may kuni butun dunyoda “Yulduzlar jangi kuni”, deb e`lon qilingan.