Американинг Висконсон штатида “Юлдузлар жанги” фильми қаҳрамонининг либосида дарсга келган ўқувчи туфайли мактаб ўқувчилари эвакуация қилинди, деб хабар берди Vesti.ru нашри.
Воқеа 4 май куни Ашвабенон шаҳрида рўй берди. Ота-оналардан бири юзига ниқоб ва бронжилет кийган, қўлида сумка кўтарган номаълум шахснинг мактабнинг орқа эшигидан кирганлиги ҳақида полицияга қўнғироқ қилди.
Маҳаллий полиция вакилларидан бирининг айтишича, мазкур ота полицияга хабар бериб, тўғри қилган, чунки ўқув муассасига кирган ҳар қандай шубҳали шахс текширилиши лозим. Бундан ташқари округда жамоат жойида ниқобда келиш тақиқланган.
4 май куни бутун дунёда “Юлдузлар жанги куни”, деб эълон қилинган.
