O`zbekiston Respublikasi Prezidenti Shavkat Mirziyoev rafiqasi bilan Xitoy Xalq Respublikasi Raisi Si Szinpin taklifiga binoan 11 may kuni davlat tashrifi bilan Pekinga keldi, bu haqda O`zA xabar qiladi.
Ikki davlat bayroqlari bilan bezatilgan «Shoudu» xalqaro aeroportida oliy martabali mehmon sharafiga faxriy qorovul saf tortdi. Davlatimiz rahbarini Xitoy Xalq Respublikasining rasmiy shaxslari kutib oldi.
Tashrifning asosiy voqealari 12-13 may kunlariga belgilangan.
Davlatimiz rahbari Xitoy Xalq Respublikasi Raisi Si Szinpin, Davlat Kengashi Bosh vaziri Li Kesyan, Xalq vakillari Umumxitoy Majlisi Doimiy qo`mitasi Raisi Chjan Deszyan va boshqa rahbarlar bilan uchrashadi. Muzokaralarda o`zaro munosabatlarning bugungi holati va istiqbollari, O`zbekiston va Xitoy o`rtasidagi uzoq muddatli hamkorlikni mustahkamlash va izchil rivojlantirishning ustuvor yo`nalishlari muhokama etiladi. Tomonlar mintaqaviy va xalqaro dolzarb masalalar yuzasidan ham fikr almashadilar.
Prezidentimizning tashrifi davomida Xitoyning etakchi kompaniya va firmalari vakillari bilan ham uchrashuvlar rejalashtirilgan.
Oliy darajadagi muzokaralar yakuni bo`yicha Qo`shma bayonot qabul qilinishi, O`zbekiston va Xitoy o`rtasida turli sohalardagi aloqalarni yanada rivojlantirishga doir hukumatlararo, idoralararo bitimlar va boshqa qator hujjatlar imzolanishi mo`ljallangan. Tashrif doirasida ikki mamlakat ishbilarmon doiralari o`rtasida katta hajmdagi savdo-iqtisodiy, investisiyaviy va moliyaviy shartnoma va bitimlar imzolanishi rejalashtirilgan.
Mamlakatimiz Prezidenti Shavkat Mirziyoev 14-15 may kunlari Pekin shahrida o`tadigan “Bir belbog`, bir yo`l” xalqaro forumida ham ishtirok etadi.
23.12.2022, 20:25
20 dekabr kuni bir kunda Xitoyda 37 million kishi koronavirus bilan kasallandi. Bu haqda Bloomberg agentligi Xitoy sog`liqni saqlash milliy komissiyasining yopiq yig`ilishiga tayanib xabar...14.12.2022, 10:23
Rossiya hududiga, xususan, Sharq mintaqalarida g`ayritabiiy sovuqlar yaqinlashmoqda. Shuningdek, Xitoy, AQSh va Buyuk Britaniya kabi mamlakatlar aholisi noldan past haroratdan aziyat chekadi. Bu haqda "24-kanal"...21.10.2022, 13:45
Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...13.10.2022, 11:20
O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...