Jenevada o`tkazilgan auksionda dunyoning eng qimmatbaho olmos sirg`alari 57 million dollarga sotildi, deb xabar berdi Tvzvezda.ru nashri.
Bir juft sirg`a yunon egizak ilohlarining sharafiga “Moviy Appolon” va “Pushtirang Artemida”, deb atalgan. Sirg`alar alohida holda sotuvga qo`yildi. “Appolon” yarim karat og`irligi tufayli “Artemida”dan qimmatroqqa sotildi. Ularni sotib olgan osiyolik xaridor o`z nomini oshkor etishni istamadi. Ammo mazkur olmoslar quloqqa taqilgach, uning qimmatbaho ekanligini yashirishning iloji qolmaydi.
